Wednesday, July 2, 2014

Ատեստավորում



Տեղեկատվական տեխնոլոգիաներ: Տեղեկատվական տեխնոլոգիաների կիրառումը ուսումնական գործընթացում

Տեսադաս









Մանկավարժական առարկայական գիտելիքներ
Ծրագրային դրույթներ տնային աշխատաքն ընտրած սովորողի համար
                           
Շատերը կհամաձայնեն ինձ հետ, եթե ասեմ, որ շատ մեծ է լինում դասավանդողի հիասթափությունը, երբ դասաժամիդ առաջին տասից տասնհինգ րոպեն փորձում ես պարզել, թե ով է դասին պատրաստ, ով անպատրաստ, և տեսնում ես, որ դասարանի միայն քսանից երեսուն տոկոսն է, որ տանն «ինչ-որ բան» արել է, իսկ մյուսներից լսում ես միևնույն «բացատրական» արտահայտությունները... Ո՞րն է մեր՝ դասավանդողներիս, պատասխան քայլը. նեղվում ես, բարկանում, երկուս, մինուս ես դնում՝ հետագայում սովորողի կողմից առաջադրանքը կատարելու և գնահատականը փոխելու պայմանով (այս վերջինը՝ լավագույն դեպքում): Դասն ավարտվում է, և տեսնում ես, որ շատ քիչ բան ես հասցել դասարանում անել: Եթե ամեն օր էլ ստուգես տնային աշխատանքները, սովորողների մի մեծ խումբ ամեն օր էլ մինուս կամ երկուս կստանա: Ասենք թե դրեցիր երկուսը, հա ի՞նչ: Միևնույնն է, տարվա վերջում դնում ես ամենացածր բավարարը:  Հո՞ այդ բոլորին դպրոցից դուրս չեն թողնելու: Արդյունքում մնում է «դասարանային նեղվածությունն ու անզորությունը»: Ո՞րն է լուծումը:
Հենց այստեղ էլ փակուղում ես հանդիպում, և «մայրենի  լեզվի կազմակերպումը առանց տնային աշխատանքի» մոդելը, կարծես թե, փրկության միակ ելքն է: Թո՛ղ տնային աշխատանք կատարեն այն սովորողները, ովքեր ուզում են կատարել, որոնց իսկապես հետաքրքիր է մայրենին:
Եվ այսպես՝ մայրենիի ուսուցման նոր ձև՝  նոր խնդիրներով...

  •   կազմել տնային առաջադրանքների փաթեթ
  •         առաջադրանքները չպետք է լինեն դասարանում անցածի շարունակությունը, որպեսզի տնային առաջադրանք չընտրած սովորողը բացթողումներ չունենա
  •         առաջադրանքները պետք է հնարավորին չափ հետաքրքիր լինեն, չպետք է նման լինեն նախորդ տարիներին հանձնարարած տնային աշխատանքներին
  ցանկալի է՝ նախագծային լինեն

Ասեմ, որ նախորդ տարիների ընթացքում կատարած դիտարկմանս արդյունքում նկատել եմ, որ միջին դպրոցի սովորողը ավելի հաճույքով է աշխատում փոքրածավալ նյութի հետ: Նյութ, որը նա կարդում է մեկ դասաժամի ընթացքում, քննարկում, աշխատում դրա հետ: Կարծում եմ, որ այս տարի էլ առավելությունը կտամ փոքրածավալ ստեղծագործություններին՝ նկատի ունենալով անցած տարիների փորձը: Ինչ վերաբերում է տնային աշխատանքներին, կարծում եմ, որ այստեղ պետք է տարբերակում մտցնել: Քիչ չեն այն սովորողները, որոնք սիրում եմ մեծածավալ գործեր կարդալ: Սրա հետ կապված մի հավելում. անցած տարի մի նախագծ էի իրականացնում յոթերորդ դասարաններում: Նախագիծս անվանել էի «Արտադասարանային ընթերցանություն»: Մեծածավալ պատմվածքներ, վիպակներ էի հանձնարարում՝ տալով որոշակի ժամանակ (նայած ստեղծագործության ծավալին): Ասեմ, որ բավականին հետաքրքիր քննարկումներ էին լինում, սովորողների մի լավ խումբ ակտիվ կարդում էր: Հենց այս փորձն էլ աչքի տակ ունենալով՝ տնային աշխատանքի փաթեթ կազմելիս պետք է առանձնացնեմ տնային աշխատանքի նման ձևը: Համոզված եմ, որ շատ կլինեն տնային աշխատանքի  հենց այս տարբերակը ընտրողները: Նման առաջադրանքների ստուգումը պատկերացնում եմ հետևյալ ձևերով.
·        կենդանի-անմիջական քննարկումներ
·        առցանց քննարկումներ
Այստեղ հավելեմ, որ շատ արդյունավետ է սովորողների միջոցով նման քննարկումներ կազմակերպելը, երբ հենց սովորողներն են նախապատրաստվում քննարկմանը՝ հարցեր մշակում, հարցադրումներ առաջ քաշում և այլն...
Ինչպես արդեն նշեցի՝ տնային առաջադրանքի մյուս ձևը փոքրածավալ ստեղծագործությունն է՝ իր տարատեսակ առաջադրանքներով.
·        գրականագիտական առաջադրանքներ
·        լեզվական առաջադրանքներ
Տնային առաջադրանքների փաթեթում շատ եմ ուզում ունենալ տրամաբանությունը զարգացնող լեզվական առաջադրանքների «փաթեթիկ», որը ժամանակ առ ժամանակ կթարմացվի:
Վերը թվարկածներս պետք է բերել նախագծային ուսուցման ձևի:
Ասեմ, որ այս դրույթները դեռ ամբողջական չեն, քննարկման, մշակման փուլում են: Այժմ այսպես եմ պատկերացնում տնային աշխատանք ընտրած սովորողի համար կազմած փաթեթի սխեման, բայց կարծում եմ, որ արդյունքում լրիվ այլ բան է ստացվելու:


No comments:

Post a Comment

Թատրոն-ճամփորդության հայտի ուսումնասիրություն

Ուսումնասիրությունն արվել է ըստ ուսումնական ճամփորդության կազմակերպման կարգի: Ուսումնասիրությունը կատարվել է ըստ այս ենթակ...