Tuesday, September 8, 2015

Բարձունքի հաղթահարում (Արագած լեռ). երկօրյա ճամփորդություն դեպի Բյուրականի սկաուտական ճամբար


Անցկացման ժամկետը՝ սեպտեմբերի 19-20
Մասնակիցներ՝ Միջին դպրոցի սկաուտներ






Նպատակը
  • Ուսումնասիրել տեղանքը, կազմակերպել քայլարշավ
  • Այցելություն Ամբերդ, Վահրամաբերդ
  • Այցելություն Քարե լիճ
  • Բարձունքի հաղթահարում
  • Խոսքային-լրագրողական աշխատանք՝ հարցազրույցներ, պատումներ, ֆոտոներ, ֆիլմեր
Երթուղի
Երևան-Բյուրական-Ամբերդ-Վահրամաբերդ-Քարե լիճ-Արագած-Երևան

Կանոնակարգ

  • Չուշանալ, պահպանել ներկայացված ժամանակացույցը
  • Ենթարկվել սահմանված կարգուկանոնին
  • Տրանսպորտի մեջ չուտել, չաղմկել
  • Գազավորված ըմպելիք, արևածաղիկ չբերել
  • Պահպանել հիգիենայի կանոնները
Անհրաժեշտ պարագաներ

  • Ճանապարհի համար սնունդ, ջուր
  • Մարզական հագուստ, հարմար կոշիկներ, հողաթափեր
  • Տաք հագուստ
  • Երեսի սրբիչ, ատամի մածուկ, խոզանակ, ծածկոց, քնապարկ, հիգիենայի այլ պարագաներ
  • Լապտեր 
Անհրաժեշտ ուսումնական գործիքներ

  • Համակարգիչ՝ մոնտաժային ծրագրով
  • Անհատական թվային միջոցներ (ֆոտոխցիկ, տեսախցիկ, ձայնագրիչ)

Ուսումնական-նախապատրաստական աշխատանք

Ուսումնական ճամբար մեկնելուց առաջ սովորողը պետք է լրջորեն զբաղվի հետևյալ ուսումնական աշխատանքով.

  • Քարտեզի վրա գտնել և նշել այն մարզերը, քաղաքները գյուղերը, որոնցով անցնելու ենք:
  • Համացանցի միջոցով փորձել գտնել տեղեկություններ այդ մարզերի, քաղաքների, գյուղերի մասին:
  • Համացանցի միջոցով պարզել և տեղեկություններ հավաքել այն մասին, թե ինչ գետ (գետեր) և լեռնաշղթաներ են հանդիպելու ճանապարհին:
  • Համացանցի միջոցով գտնել տեղեկություններ Բյուրականի մասին:
  • Համացանցի միջոցով գտնել տեղեկություններ Ամբերդի մասին (ո՞ր դարի կառույց է, ո՞վ է կառուցել, և այլն):
  • Համացանցի միջոցով գտնել տեղեկություններ Վահրամաբերդի մասին (ո՞ր դարի կառույց է, ո՞վ է կառուցել, ի՞նչ տիպի եկեղեցի է):
  • Համացանցի միջոցով գտնել տեղեկություններ Արագած լեռ մասին։
  • Համացանցի միջոցով գտնել տեղեկություններ Քարե լեռան մասին։

Ուսումնական նյութեր.
1. Կարդալ, կարևոր հատվածները պատմել սովորել.
Բյուրականի աստղադիտարան
Բյուրական
Ամբերդ
Վահրամաբերդ
Արագած
Քարե լիճ

2. Անգիր սովորել, կրկնել.
Ավ. Իսահակյան<<Արագածին>>

Ծրագիր
Հունիսի 19 
10.00- մեկնում
11.00-ժամանում ճամբար
12.00-14.00-ծանոթացում տարածքին
14.00- այցելություն Ամբերդ
16.00-վերադարձ ճամբար
17.00- 18.00-ճաշ, հանգիստ
18.00-19.00-խաղեր
19.00-ընթրիք
19.30-ուսումնական նյութերի ստեղծում, թողարկում
20.30-Էկո մաքրում՝ մաքրում ենք տարածքը
21.30-հիգիենայի ժամ
22.00-քուն

Հունիսի 20
8.00-բարի լույս
8.30-նախավարժանք
9.00-նախաճաշ
10.00-քայլարշավ Արագած
16.00-վերադարձ ճամբար
16.00-17.00-ճաշ
18-վերադարձ

Նախագծի ամփոփում, հաշվետվություն
Օրը սկսեցինք տոնական ընդհանուր պարապմունքով։ Նախագծի մասնակիցների նախնական թիվը 25-ն էր, սակայն պարզվեց, որ երկու սովորող ինչ-ինչ պատճառներով չէին եկել։ Բոլորիս տրամադրությունը բարձր էր։ Ուզում էինք շարժվել, սակայն փոշմանեցինք, քանի որ որոշեցին մասնակցել նոր հեծանվաուղու բացմանը։ Շարժվեցինք 10։30 րոպե։ Ճանապարհը շատ արագ անցավ։ Մեր նախատեսած ժամից 30 րոպե էինք ուշացել։ Դրանից հետո ամեն ինչ ըստ ծրագրի ընթացավ՝ Ամբերդ, Վահրամավանք։ Սովորողները շատ ուրախ էին։ Երեկոյան խարույկը ավելի բարձրացրեց բոլորիս տրամադրությունը։ Ամեն ինչ իր հունով էր ընթանում։ Գիշերը խաղաղ անցավ; Առավոտը մեզ դեպի Արագած ուղեկցելու էին եկել տիար Գևորգն ու ընկեր Յուրան։ Ճանապարհին երթուղայինը փչացավ, և մենք ստիպված եղանք մինչև Քարե լիճ ոտքով քայլել (մոտ մեկ կիլոմետր)։ Հետո սկսեց արագածյան բարձունքի հաղթահարումը։ Սկզբում կարծում էինք, որ սովորողները չեն կարողանա բարձրանալ, բայց որոշեցին (երկու սովորողից բացի) բարձրանալ։ Խաղաղ քայլում էինք, բայց արդեն պարզ էր, որ մինչ գագաթ չէինք հասնելու, քանի որ սովորողները շատ էին հոգնել, և շատ դանդաղ էինք շարժվում։ Տիար Գևորգի հաշվարկով՝ մոտ երկու կիլոմետր էլ այդպես քայլեցինք։ Արդեն ժամը երկուսն անց էր։ Պարզ էր, որ ետդարձի ժամանակն էր։ Այդ երկու կիլոմետրանոց ճանապարհը նորից անցնելուց հետո հաշվեցինք, որ հինգ կիլոմետր քայլել ենք։ Քայլելը քայլել էինք, բայց Արագածը չէինք նվաճել։ Այդպես էլ վերադարձանք Երևան՝ կրկին Արագած վերադառնալու և նվաճելու մտմտանքով։

Նյութեր
Հաղթահարում ենք բարձո՞ւնքը, թե՞ ինքներս մեզ
Ճամփորդություն դեպի Բյուրական
Արագած
Բյուրական





No comments:

Post a Comment

Թատրոն-ճամփորդության հայտի ուսումնասիրություն

Ուսումնասիրությունն արվել է ըստ ուսումնական ճամփորդության կազմակերպման կարգի: Ուսումնասիրությունը կատարվել է ըստ այս ենթակ...